Qazaqstandaǵy qylmysqa qatysy bar kúdikti Ispaniiadan ekstraditsiialandy
Сағыныш Сардарова
Bas prokýratýra
Bas prokýratýra men Interpol qyzmetkerleri Ispaniia koroldiginen qarjy piramidasynyń qyzmetine bailanysty transulttyq uiymdasqan topqa qatysqany úshin kúdiktini ekstraditsiialady, - dep habarlaidy
Dalanews.kz.
Ol 2016-2017 jyldar aralyǵynda zańsyz materialdyq paida kórý maqsatynda basqa elderdegi adamdar tobymen "Questra Holding" kompaniiasyn qurdy degen kúdikke ilingen.
Qylmyskerler qarjy piramidasyn ártúrli elderdiń aýmaǵynda kedergisiz taratý maqsatynda internet jelilerde salymshylardy kóbirek tartý úshin kompaniianyń oidan shyǵarylǵan investitsiialyq portfelderin satý týraly aqparat jariialanǵan veb-saittar ashqan.
"Bul top 800-den asa azamatty aldap, 1 milliard teńgeden asa shyǵyn keltirgen. Bul derek boiynsha sotqa deiingi tergep-tekserý bastalyp, kúdiktilerge halyqaralyq izdestirý jariialanǵan", - dep jazylǵan vedomstvo habarlamasynda.
2022 jylǵy jeltoqsanda Bas prokýratýranyń ekstraditsiialyq suraýy boiynsha izdeýdegilerdiń biri Ispaniia aýmaǵynda ustaldy. Qazir ol Astanadaǵy tergeý izoliatoryna qamaldy.
Bul qylmysty jasaǵany úshin múlkin tárkilep, 10 jyldan 15 jylǵa deiingi merzimge bas bostandyǵynan aiyrý túrindegi jaza qarastyrylǵan.
