Ónerkásip jáne qurylys ministrligi Geologiia komitetiniń tóraǵasy Erlan Aqbarov Qazaqstandaǵy paidaly qazbalar qoryna bailanysty aqparat berdi, dep habarlaidy Dalanews.kz.
Aitýynsha, elimizdegi keibir ken oryndary uzaq jyldar boiy igerilip keledi. Sondyqtan olar taýsylýǵa jaqyn.
“Máselen, altyn qory shamamen 20 jylǵa, mys qory 40 jylǵa jetedi. Jalpy alǵanda, elimizdegi jaǵdai turaqty. Kóptegen paidaly qazbalardyń qory 40 jylǵa jetkilikti. Degenmen keibir ken oryndarynda geologiialyq jáne tehnikalyq qiyndyqtarǵa bailanysty qor 10, tipti 5 jylǵa ǵana jetýi múmkin. Qazaqstan boiynsha ortasha eseppen paidaly qazbalarmen qamtamasyz etý deńgeii 20 jyldy quraidy,” – dep jaýap qatty Aqbarov jýrnalister qoiǵan suraqqa.
