ونەركاسىپ جانە قۇرىلىس مينيسترلىگى گەولوگيا كوميتەتىنىڭ ءتوراعاسى ەرلان اقباروۆ قازاقستانداعى پايدالى قازبالار قورىنا بايلانىستى اقپارات بەردى، دەپ حابارلايدى Dalanews.kz.
ايتۋىنشا، ەلىمىزدەگى كەيبىر كەن ورىندارى ۇزاق جىلدار بويى يگەرىلىپ كەلەدى. سوندىقتان ولار تاۋسىلۋعا جاقىن.
“ماسەلەن، التىن قورى شامامەن 20 جىلعا، مىس قورى 40 جىلعا جەتەدى. جالپى العاندا، ەلىمىزدەگى جاعداي تۇراقتى. كوپتەگەن پايدالى قازبالاردىڭ قورى 40 جىلعا جەتكىلىكتى. دەگەنمەن كەيبىر كەن ورىندارىندا گەولوگيالىق جانە تەحنيكالىق قيىندىقتارعا بايلانىستى قور 10، ءتىپتى 5 جىلعا عانا جەتۋى مۇمكىن. قازاقستان بويىنشا ورتاشا ەسەپپەن پايدالى قازبالارمەن قامتاماسىز ەتۋ دەڭگەيى 20 جىلدى قۇرايدى،” – دەپ جاۋاپ قاتتى اقباروۆ جۋرناليستەر قويعان سۇراققا.
