Áleýmettik jelilerde jáne sheteldik BAQ-ta Resei sot qujattarynyń úzindileri jariialandy. Onda arnaiy qyzmetterdiń “Iandeks” kompaniiasynyń aqparattyq júiesine qol jetkize alatyny aitylǵan. Taralǵan aqparatqa sáikes, baqylaý Qazaqstan aýmaǵynda jumys isteitin servisterdi de qamtidy, dep habarlaidy Dalanews.kz.
“Bul – Qazaqstan Respýblikasynyń “Ulttyq qaýipsizdik týraly” Zańyna qaishy keledi jáne quzyrly organdar tarapynan tekserýdi qajet etedi. “Iandeks” kompaniiasynyń Qazaqstanda milliondaǵan qoldanýshysy bar”, — dep jazdy Pisma Prezidentý telegram arnasy.
Sotta “Iandeks” ókili quqyqbuzýshylyqty moiyndamai, barlyq talapty oryndaý úshin sharalar qabyldanǵanyn jetkizgen. Atap aitqanda, ýákiletti organǵa qajet synaq kúnderin belgileý jóninde hat joldanǵanymen, belgilengen merzim ishinde jaýap bolmaǵan. Kompaniia ókili nusqamanyń zańsyz ekenin, sebebi onda naqty is-sharalar kórsetilmegenin atap ótti.
Sonymen qatar qorǵaýshy quqyqbuzýshylyqty eleýsiz dep tanyp, ákimshilik is júrgizýdi toqtatýdy suraǵan.
Alaida Resei Federaldyq qaýipsizdik qyzmetiniń 2021 jylǵy 14 jeltoqsandaǵy jaýabynda “Iandeks” JShS-ne berilgen nusqama tolyq kólemde emes, tek ishinara oryndalǵany kórsetilgen.
