الەۋمەتتىك جەلىلەردە جانە شەتەلدىك باق-تا رەسەي سوت قۇجاتتارىنىڭ ۇزىندىلەرى جاريالاندى. وندا ارنايى قىزمەتتەردىڭ “ياندەكس” كومپانياسىنىڭ اقپاراتتىق جۇيەسىنە قول جەتكىزە الاتىنى ايتىلعان. تارالعان اقپاراتقا سايكەس، باقىلاۋ قازاقستان اۋماعىندا جۇمىس ىستەيتىن سەرۆيستەردى دە قامتيدى، دەپ حابارلايدى Dalanews.kz.
“بۇل – قازاقستان رەسپۋبليكاسىنىڭ “ۇلتتىق قاۋىپسىزدىك تۋرالى” زاڭىنا قايشى كەلەدى جانە قۇزىرلى ورگاندار تاراپىنان تەكسەرۋدى قاجەت ەتەدى. “ياندەكس” كومپانياسىنىڭ قازاقستاندا ميلليونداعان قولدانۋشىسى بار”، — دەپ جازدى پيسما پرەزيدەنتۋ تەلەگرام ارناسى.
سوتتا “ياندەكس” وكىلى قۇقىقبۇزۋشىلىقتى مويىنداماي، بارلىق تالاپتى ورىنداۋ ءۇشىن شارالار قابىلدانعانىن جەتكىزگەن. اتاپ ايتقاندا، ۋاكىلەتتى ورگانعا قاجەت سىناق كۇندەرىن بەلگىلەۋ جونىندە حات جولدانعانىمەن، بەلگىلەنگەن مەرزىم ىشىندە جاۋاپ بولماعان. كومپانيا وكىلى نۇسقامانىڭ زاڭسىز ەكەنىن، سەبەبى وندا ناقتى ءىس-شارالار كورسەتىلمەگەنىن اتاپ ءوتتى.
سونىمەن قاتار قورعاۋشى قۇقىقبۇزۋشىلىقتى ەلەۋسىز دەپ تانىپ، اكىمشىلىك ءىس جۇرگىزۋدى توقتاتۋدى سۇراعان.
الايدا رەسەي فەدەرالدىق قاۋىپسىزدىك قىزمەتىنىڭ 2021 جىلعى 14 جەلتوقسانداعى جاۋابىندا “ياندەكس” جشس-نە بەرىلگەن نۇسقاما تولىق كولەمدە ەمەس، تەك ءىشىنارا ورىندالعانى كورسەتىلگەن.
