Qazaqstandaǵy dollar baǵasy sharyqtaý shegine jetip, ótken jumada Qazaqstan qor birjasynda baǵamy 544,95 teńge deńgeiinde jabylǵan bolatyn. Demalys kúnderi Foreks naryǵynda dollar kotirovkasy 545,2 teńgege jetti. Qarjy naryǵynda «Ulttyq Bank osy aptanyń ortasyna taman interventsiia jasaýy múmkin» degen insaid taraǵandyqtan, iri qarjylyq toptar búgin men erteń dollardan barynsha tez qutylmaq, dep habarlaidy Dalanews.kz.
«Konglamerattar búginnen bastap jappai «sbrosqa» daiyn. 545 kýrsymen dollardy satyp jiberse, spekýliativti tabys ala alady. Bastysy interventsiia bastalmai turyp úlgerý kerek. Odan keiin dollar 530-535 baǵamyna otyryp qalady. Sondyqtan osy aptada keminde 2 milliard dollar satylyp ketedi dep otyrmyz», - deidi, DALA INSIDE derekkózi.
Ótken jumada Qazaqstan qor birjasynda USD/KZT valiýtalyq juby boiynsha 255 million dollarǵa saýda-sattyq jasalǵan. Fýndamentaldy turǵyda, dollardyń ósip, teńgeniń arzandaityn negizi joq. Tek shilde-tamyz aralyǵynda júretin adamdardyń demalys kezeńi men óndiris ashýǵa memleketten aqsha alǵan kásiporyndardyń shetelden valiýtaǵa qurylǵylar men stanoktar satyp alatyn naýqany bir-birimen sáikes kelip qaldy da, dollarǵa maýsymdyq suranys artyp ketti. Maýsymdyq aýytqýdy basa turý úshin Ulttyq Bank ýaqytsha interventsiia júrgizetin bolsa, teńge qaita kúsheiip, fýndamentaldy baǵam ornyna keledi. Onyń máni dollaryna 535 teńge shamasynda.
«Eger qarjylyq toptar jappai dollar satatyn bolsa, onda Ulttyq Bankke interventsiia jasaýdyń qajeti joq. Keminde 2 milliard jekemenshik dollardyń satylýy kýrsty onsyz da ornyna keltiredi. Dál osy kezde eki tarap birin-biri ańdyp otyr. Eger Ulttyq Bank birinshi bastap ketse, qarjylyq toptar utylyp qalady. Eger toptar birinshi sbros jasasa, onda Ulttyq Bank utady. Sondyqtan konglamerattar birjadaǵy operatsiialardy birinshi bastaityn siiaqty. Olardyń pozitsiiasy Ulttyq Bankke qaraǵanda álsizdeý», - dep túsindirdi derekkóz.
2025 jyldyń alǵashqy bes aiynda Qazaqstan byltyrǵy osy merzimmen salystyrǵanda import kólemin keminde 500 million dollarǵa arttyryp, 23,7 milliard dollarǵa jetkizgen. Shetelden qurylǵylar, stanoktar satyp alý somasy 170 million dolllarǵa ósip, 10,1 milliard dollardy quraǵan. Importymyzdyń teń jartysyn óńdeýshi ónerkásipke qajet qurylǵylar qurap otyr. Bul bolashaqta otandyq óndiris kóleminiń ósýine alyp keledi. Al ol daiyn taýarlar importyn qysqartyp, bolashaqta ekonomikanyń jan-jaqty damýyna yqpal bolmaq.
Naryqtaǵy insaidqa qaityp oralatyn bolsaq, dál osy aptada Qazaqstan qor birjasynyń valiýtalyq naryǵynda qyzyq qubylystar oryn alýy múmkin. Alǵashqy belgileri búgin keshki 20:00 saǵattan keiin kórine bastaidy.
