Nurai Serikbaidyń ólimine qatysty is boiynsha jańa kúdiktiler tekserilip jatyr, dep habarlaidy dalanews.kz.
CMN.kz málimetinshe, Ishki ister ministrligi qylmystyq is boiynsha tergeý áli jalǵasyp jatqanyn jetkizgen. Qazir tergeý aiasynda qosymsha nusqalar men jábirlenýshi taraptyń ýájderi jan-jaqty qarastyrylyp jatyr.
Bul týraly IIM ministriniń orynbasary Sanjar Ádilov aitty.
"Jábirlenýshi tarap Nurai kúdiktiniń úiine jetkizilgen kezde sol mańda bolǵan adamdardyń da qylmysqa qatysy bolýy múmkin ekenin aityp otyr. Qazir osy jáne basqa da birneshe jait tolyq tekserilip jatyr", – dedi Sanjar Ádilov.
