Qazaqstandaǵy alǵashqy AES-ke úzdik ataý berý konkýrsy 25 qyrkúiekte bastalady, dep habarlaidy Dalanews.kz.
Búgin Qazaqstan Respýblikasynyń Atom energiiasy jónindegi agenttiginde eldegi alǵashqy atom elektr stantsiiasyna úzdik ataý berý jónindegi jalpyulttyq konkýrs ótkizý komissiiasynyń alǵashqy otyrysy ótti.
Otyrys barysynda komissiia músheleri uiymdastyrý máselelerin qarastyryp, jalpyulttyq konkýrsty ótkizý erejelerin bekitti.
Qazaqstan Respýblikasynyń Atom energiiasy jónindegi agenttiginiń tóraǵasy Almasadam Sátqaliev azamattardyń bul protseske qatysýynyń mańyzdylyǵyn atap ótti:
"Qazaqstan azamattarynyń barynsha kóp qamtylýy úshin AES-ke úzdik ataý berý boiynsha usynystar eGov Mobile qosymshasy arqyly qabyldanady. Konkýrstyń atom salasy qyzmetkerleri kúni qarsańynda bastalýy – indýstriianyń Qazaqstannyń áleýmettik-ekonomikalyq damýyna qosyp otyrǵan úlesiniń aiqyn dáleli".
Talqylaýlardyń qorytyndysy boiynsha komissiia konkýrstyń ótkizilý merzimderin bekitti:
- 25 qyrkúiek – konkýrstyń bastalýy týraly resmi habarlandyrý;
- 25 qyrkúiekten 10 qazanǵa deiin – eGov Mobile qosymshasy arqyly usynystardy qabyldaý;
- 11–20 qazan aralyǵy – kelip túsken usynystardy taldaý;
- qazan aiynyń sońyna deiin AES-tiń úzdik ataýyn anyqtaý.
