Májiliste ákimshilik raqymshylyq týraly zań jobasy qarala bastady. Depýtattardyń aitýynsha, raqymshylyq aiasynda negizinen Ishki ister ministrligi salǵan aiyppuldar esepten shyǵarylýy múmkin. Bul kóbine jol qozǵalysy erejesin buzýǵa qatysty aiyppuldar, dep habarlaidy dalanews.kz.
Áńgime tek aiyppuldardyń ózi týraly emes, sonymen qatar jyldar boiy jinalǵan ósimpuldar jóninde de bolyp otyr. Aldyn ala málimet boiynsha, keshirilýi múmkin qaryzdardyń jalpy kólemi milliardtaǵan teńgege baǵalanyp otyr.
Alaida barlyq quqyqbuzýshylyq raqymshylyqqa ilinbeidi. Adam ómirine qaýip tóndiretin óreskel ereje buzýshylyqtar keshirilmeidi. Olardyń qatarynda qyzyl shamǵa ótý, jyldamdyqty shamadan tys asyrý jáne mas kúiinde kólik júrgizý bar.
Al qaýipsizdik beldigin taqpaý nemese kólik júrgizý kezinde telefon qoldaný sekildi keibir ákimshilik aiyppuldar esepten shyǵarylýy múmkin.
