Qazaqstanda zeinetaqy jinaqtarynyń eń tómengi jetkiliktilik shegin esepteý ádistemesi ózgertildi. Bul týraly Biryńǵai jinaqtaýshy zeinetaqy qory habarlady., dep habarlaidy dalanews.kz.
Qor málimetinshe, ózgeristerdiń negizgi maqsaty – bolashaqtaǵy zeinetaqy tólemderiniń kólemin arttyrý jáne tabysty almastyrý koeffitsientin Halyqaralyq eńbek uiymy usynǵan keminde 40% halyqaralyq standartqa jaqyndatý.
Jańa ádisteme bolashaqtaǵy zeinetaqy tólemderiniń keltirilgen qunyn demografiialyq jáne qarjylyq parametrlerdi eskere otyryp esepteýge negizdelgen. Ázirleýshilerdiń aitýynsha, bul tásil boljamnyń turaqtylyǵyn kúsheitip, azamattardyń zeinetke shyqqan kezde jinaǵy jetkiliksiz bolyp qalý qaýpin azaitýy tiis.
BJZQ buryn zeinetaqy jinaqtarynyń bir bóligin merziminen buryn sheship alý kezinde tólem kólemi shamamen 50 myń teńgege deiin tómendeýi múmkin bolǵanyn atap ótti. Bul soma kúnkóris minimýmyna jýyq deńgeimen salystyrylǵan.
Al jańa model boiynsha bolashaqtaǵy zeinetaqy tólemderin medianalyq jalaqynyń shamamen 40%-yna deiin jetkizý josparlanyp otyr.
Sonymen qatar zeinetaqy jinaqtarynyń eń tómengi jetkiliktilik shegi kóleminiń ulǵaiýy azamattardyń baspana alý nemese emdelý maqsatynda merziminen buryn paidalana alatyn zeinetaqy jinaǵynyń azaiýyna áser etýi múmkin. Óitkeni endi qazaqstandyqtarǵa zeinetaqy shotynda kóbirek qarajat qaldyrý qajet bolady.
