Qazaqstanda zeinetaqy jinaǵyn merziminen buryn paidalaný úshin belgilenetin jetkiliktilik shegi qaita qaralady. Jańa talaptar ai sońyna deiin bekitiledi, dep habarlaidy dalanews.kz.
Bul týraly eńbek jáne halyqty áleýmettik qorǵaý ministri Asqarbek Ertaev ulttyq jumys berýshiler qaýymdastyqtarynyń alǵashqy forýmynan keiin jýrnalisterge aitty.
Ministrdiń sózinshe, jańa shekter azamattardyń jas ereksheligine qarai esepteledi.
“Onda ártúrli bolady. 23 pen 35 jas aralyǵy jáne 35 pen 63 jas aralyǵy boiynsha qarastyrylady. Jetkiliktilik sheginiń ósýi shamamen 79%-ǵa deiin bolady”, – dedi Ertaev.
Onyń aitýynsha, qazir Eńbek ministrligi Biryńǵai jinaqtaýshy zeinetaqy qorymen birlesip esepteýler júrgizip jatyr.
Jańa esepter men naqty kórsetkishter ai sońyna deiin jariialanady.
