Qazaqstanda kámeletke tolmaǵandar arasyndaǵy qylmys deńgeii artyp keledi. 2025 jyly qylmystyq quqyqbuzýshylyqtarǵa kúdikti retinde 2,5 myń jasóspirim tanylǵan. Bul ótken jylmen salystyrǵanda 30,5%-ǵa kóp jáne sońǵy jyldardaǵy eń joǵary kórsetkishterdiń biri, dep habarlaidy dalanews.kz Finprom-ǵa silteme jasap.
Aýyr qylmystar kóbeigen
Statistikadaǵy eń alańdatarlyq jaittardyń biri – sottalǵan jasóspirimderdiń basym bóligi aýyr sanattaǵy qylmystar úshin jaýapqa tartylǵan. Derekke sáikes, sottalǵan kámeletke tolmaǵandardyń 70%-dan astamy aýyr jáne asa aýyr qylmystar jasaǵany úshin kináli dep tanylǵan.
Bul jasóspirimder arasyndaǵy quqyqbuzýshylyqtyń sipaty kúrdelenip bara jatqanyn kórsetedi.
Ár besinshi jasóspirim túrme jazasyn alǵan
Saraptamaǵa sáikes, sottalǵandardyń ár besinshisi bas bostandyǵynan aiyrý jazasyn alǵan. Sottalǵandardyń negizgi bóligin 16-18 jas aralyǵyndaǵy bozbalalar quraidy.
Sarapshylar jasóspirimder qylmysynyń ósýi aldyn alý sharalaryn kúsheitý, quqyqtyq saýattylyqty arttyrý jáne jastarmen jumysty qaita qaraý qajettigin kórsetetinin aitady.
