Qazaqstanda jasandy intellekt jumys izdeý protsesine engizile bastady. Endi Enbek.kz platformasy azamattardyń daǵdylary men tájiribesine sáikes bos jumys oryndaryn avtomatty túrde usynady, dep habarlaidy dalanews.kz.
Bul týraly Astanada ótken V Eýraziialyq ekonomikalyq forýmda eńbek ministri Asqarbek Ertaev málimdedi.
Ministrdiń aitýynsha, jasandy intellekt negizindegi júie qazirdiń ózinde 600 myń jumyssyz azamatty qamtyp otyr. Al platforma arqyly usynylǵan bos jumys oryndarynyń sany 50 myńnan asqan.
"Júie azamattyń bilimi, tájiribesi men daǵdylaryn taldap, oǵan sáikes keletin jumys oryndaryn birneshe sekýnd ishinde iriktep beredi" – dedi Ertaev.
Onyń sózinshe, tsifrlyq tehnologiialardy engizý eńbek naryǵyndaǵy jumysty jeńildetip, azamattarǵa laiyq vakansiiany jyldam tabýǵa múmkindik beredi.
