2026 jyly Qazaqstanda 850-den asa zapastaǵy ofitser áskeri qyzmetke shaqyrylady, dep habarlaidy Dalanews.kz.
"Áskeri qyzmet jáne áskeri qyzmetshilerdiń mártebesi týraly" QR Zańy aiasynda júzege asyrylatyn bul shara Qarýly kúshterdiń jaýyngerlik daiyndyǵyn arttyrýǵa jáne áskeri rezervti qalyptastyrýǵa baǵyttalǵan.
Úkimet qaýlysyna sáikes 700 zapastaǵy ofitser Qarýly kúshterge, 80 ofitser Shekara qyzmetine, 64 ofitser Ulttyq ulanǵa jáne 15 ofitser Tótenshe jaǵdailar ministrligine jiberiledi.
Aviatsiia, injener, artilleriia, radio-tehnika, áskeri-tasymaldaý, meditsina, tyl, aqparat jáne barlaý baǵyttary sekildi eń qajet áskeri mamandyqtar boiynsha shaqyrylady.
Densaýlyǵy jaramdy, 29 jasqa deiingi zapastaǵy ofitserler shaqyrylady, al meditsinalyq mamandyqtar boiynsha bul shek 32 jasqa deiin belgilengen.
Qyzmet atqarý kezinde olar aqshalai úlespen, turǵyn úi nemese turǵyn úi tólemderimen, tamaqpen jáne meditsinalyq qyzmetpen qamtamasyz etiledi.
