Qazaqstanda ustazdardy qoldaý jáne yntalandyrý maqsatynda dástúrli “Úzdik pedagog” respýblikalyq baiqaýy bastaý aldy, dep habarlaidy Dalanews.kz.
Jeńimpazdarǵa 1000 ailyq eseptik kórsetkish kóleminde (shamamen 3,9 million teńge) memlekettik syiaqy tabystalady.
Baiqaýǵa balabaqsha, mektep, kolledj sekildi bilim berý uiymdarynda qyzmet etetin pedagogter qatysa alady. Úmitkerlerdiń bilim salasyna qosqan úlesi, kásibi sheberligi men jumys tiimdiligi basty nazarda bolady.
Konkýrs úsh kezeńnen turady:
1-kezeń — aýdandyq, qalalyq deńgeĭ (8-25 shilde);
2-kezeń — oblystyq deńgeĭ (28 shilde- 15 tamyz);
3-kezeń — respýblikalyq deńgeĭ (18 tamyz — 18 qyrkúiek).
Eki kezeńniń qorytyndysy boĭynsha eń joǵary upaĭ jinaǵan pedagogter respýblikalyq deńgeĭge ótedi. Baĭqaýǵa qatysýǵa ótinimderdi qabyldaý, tirkeý, konkýrs qujattaryn tapsyrý, baǵalaý uzdikustaz-nobd.edu.kz veb-portalynda júzege asyrylady.
"Úzdik pedagog" Respýblikalyq konkýrsy 2012 jyldan beri ótkizilip kele jatqan dástúrli baĭqaý. Osy ýaqytqa deĭin 700-ge jýyq júzden júĭrik, myńnan tulpar atanǵan myqtylar anyqtaldy.«Úzdik pedagog» ataǵyna bilim berý uĭymdarynda jumys isteĭtin jáne qujattardy tapsyrý kezinde keminde bes jyl úzdiksiz pedagogikalyq ótili bar pedagogter úmitker bola alady. Olar — balabaqsha, mektep, kolledj muǵalimderi", — delingen ministrlik habarlamasynda.
Baiqaýǵa qatysý týraly qosymsha aqparatpen Oqý-aǵartý ministrliginiń saitynan tanysýǵa bolady.
