قازاقستاندا ۇستازداردى قولداۋ جانە ىنتالاندىرۋ ماقساتىندا ءداستۇرلى “ۇزدىك پەداگوگ” رەسپۋبليكالىق بايقاۋى باستاۋ الدى، دەپ حابارلايدى Dalanews.kz.

جەڭىمپازدارعا 1000 ايلىق ەسەپتىك كورسەتكىش كولەمىندە (شامامەن 3،9 ميلليون تەڭگە) مەملەكەتتىك سىياقى تابىستالادى.

بايقاۋعا بالاباقشا، مەكتەپ، كوللەدج سەكىلدى ءبىلىم بەرۋ ۇيىمدارىندا قىزمەت ەتەتىن پەداگوگتەر قاتىسا الادى. ۇمىتكەرلەردىڭ ءبىلىم سالاسىنا قوسقان ۇلەسى، كاسىبي شەبەرلىگى مەن جۇمىس تيىمدىلىگى باستى نازاردا بولادى.

كونكۋرس ءۇش كەزەڭنەن تۇرادى:

1-كەزەڭ — اۋداندىق، قالالىق دەڭگەي̆ (8-25 شىلدە)؛

2-كەزەڭ — وبلىستىق دەڭگەي̆ (28 شىلدە- 15 تامىز)؛

3-كەزەڭ — رەسپۋبليكالىق دەڭگەي̆ (18 تامىز — 18 قىركۇيەك).

ەكى كەزەڭنىڭ قورىتىندىسى بوي̆ىنشا ەڭ جوعارى ۇپاي̆ جيناعان پەداگوگتەر رەسپۋبليكالىق دەڭگەي̆گە وتەدى. باي̆قاۋعا قاتىسۋعا وتىنىمدەردى قابىلداۋ، تىركەۋ، كونكۋرس قۇجاتتارىن تاپسىرۋ، باعالاۋ uzdikustaz-nobd.edu.kz ۆەب-پورتالىندا جۇزەگە اسىرىلادى.

"ۇزدىك پەداگوگ" رەسپۋبليكالىق كونكۋرسى 2012 جىلدان بەرى وتكىزىلىپ كەلە جاتقان ءداستۇرلى باي̆قاۋ. وسى ۋاقىتقا دەي̆ءىن 700-گە جۋىق جۇزدەن ءجۇي̆رىك، مىڭنان تۇلپار اتانعان مىقتىلار انىقتالدى.«ۇزدىك پەداگوگ» اتاعىنا ءبىلىم بەرۋ ۇي̆ىمدارىندا جۇمىس ىستەي̆ءتىن جانە قۇجاتتاردى تاپسىرۋ كەزىندە كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر ۇمىتكەر بولا الادى. ولار — بالاباقشا، مەكتەپ، كوللەدج مۇعالىمدەرى"، — دەلىنگەن مينيسترلىك حابارلاماسىندا.

بايقاۋعا قاتىسۋ تۋرالى قوسىمشا اقپاراتپەن وقۋ-اعارتۋ مينيسترلىگىنىڭ سايتىنان تانىسۋعا بولادى.