Energetika vitse-ministri Suńǵat Esimhanovtyń aitýynsha, Qazaqstanda ýaqytty aýystyrý elektr energiiasyn tutyný kólemine aitarlyqtai áser etpegen, dep habarlaidy Dalanews.kz.
Sheneýniktiń sózinshe, Shyǵys Qazaqstan oblysynda tutyný kólemi nebári 1 paiyzǵa artqan. Ministrlik muny halyq sanynyń ósýi men jańa nysandardyń salynýyna bailanysty qalypty ózgeris dep túsindirip otyr.
Al Atyraý oblysynda, iaǵni ýaqyt ózgermegen óńirde elektr tutyný kólemi 13 paiyzǵa artqan. Málimet boiynsha bul kórsetkish jańa óndiris oryndary iske qosylýyna bailanysty.
Suńǵat Esimhanov ýaqyt aýysýy energetikaǵa emes, kún tártibine áser etkenin atap ótti: kún erte batsa da, tań erte atady, al júkteme shegi tek ýaqyt boiynsha yǵysqan.
Ministrlik jyl qorytyndysy boiynsha tolyq esep usynatynyn málimdedi.
