Qujattyq kelisimge sáikes, Qazaqstanda «Kazakhstan Engineering» enshiles kompaniiasynyń bazasynda ANKA urmaly ushqyshsyz ushý apparattaryn qurastyrý jáne olarǵa tehnikalyq qyzmet kórsetý jelisi uiymdastyrylady.
Qazaqstanda ANKA ushqyshsyz ushaqtardy birlesip óndirý týraly kelisimge qazaqstandyq delegatsiianyń Ankaraǵa sapary aiasynda «Qazaqstan Injiniring» UK» AQ Basqarma tóraǵasy Temirjan Ábdirahmanov jáne «Turkish Aerospace» (TUSAŞ) prezidenti, professor Temel Kotil qol qoidy. Kelisim sheńberinde UUA-taryn birlesip óndirý salasyndaǵy uzaq merzimdi yntymaqtastyq, sondai-aq Qazaqstan Respýblikasynyń Qarýly Kúshteri úshin UUA-taryn tehnikalyq qyzmet kórsetý jáne jóndeý úshin tehnologiialardy berý jáne personaldy oqytý josparlanýda.
Qazaqstan ANKA drondary óndirisi jolǵa qoiylǵan alǵashqy shet el boldy. TUSAŞ bas direktory Temel Kotil sheteldik seriktesterdiń ANKA drondaryna degen qyzyǵýshylyǵynyń artýymen maqtanysh sezimin bildirdi.
«Jańa kelisim baýyrlas Qazaqstanmen dostyq bailanystardy odan ári nyǵaitýǵa yqpal etedi», - dep atap ótti Kotil.
ANKA barlaý jáne soqqy drondary 2013 jyly Túrkiiada quryldy.
Urys jaǵdaiynda synaldy. UUA–nyń eń joǵary ushý salmaǵy 1 700 kg, paidaly júktemeni 350 kg-ǵa deiin kóterýge qabiletti, ushý ýaqyty-eń joǵary biiktigi 9 000 metrge deiin 30 saǵatqa deiin. Qanatynyń uzyndyǵy 17,5 metr, uzyndyǵy shamamen 8 metr.
