Qazaqstanda turǵyn úi baǵasyna memleket aralaspaidy. Bul týraly Ónerkásip jáne qurylys vitse-ministri Qýandyq Qajkenov málimdedi, dep habarlaidy dalanews.kz.
Onyń aitýynsha, páter quny naryqtaǵy suranys pen usynysqa bailanysty qalyptasady. Sondyqtan memleket erkin naryqtaǵy baǵa belgileý protsesine aralaspaidy.
Sonymen qatar vitse-ministr áleýmettik turǵydan osal sanattaǵy azamattarǵa arnalǵan jaldamaly jáne nesielik turǵyn úi baǵdarlamalary memleket baqylaýynda qala beretinin atap ótti.
Qazirgi tańda elimizde turǵyn úi kezeginde shamamen 900 myń adam tur. Osy azamattardy qoldaý maqsatynda biyl turǵyn úi sertifikattarynyń sany 2,5 esege jýyq kóbeitildi. Budan bólek, halyqtyń 11 sanatyna jaldamaly páterlerdi óteýsiz jekeshelendirý múmkindigi qarastyrylǵan.
