Memlekettik keńesshi Erlan Qarin Qazaqstanda til máselesine qatysty qaqtyǵystar joq ekenin, biraq, ókinishke qarai, kei jerlerde turmystyq mádenietsizdik baiqalatynyn málimdedi, – dep habarlaidy Dalanews.kz.
Memlekettik keńesshi Erlan Qarin ishki saiasattyń júzege asyrylý baǵyttaryn Ulttyq quryltai múshelerimen talqylady.
«Til máselesine qatysty delinetin birqatar daýly jaǵdai shyn máninde qyzmet kórsetý salasyndaǵy turmystyq qaqtyǵys sanalady. Mundai jaǵdailardy keibir adamdar basqa baǵytqa burýǵa tyrysady», – dedi ol kezdesýde.
Qarinniń aitýynsha, mundai jaittyń túpki sebebi – qarapaiym etika, tártip pen sypaiylyq máselesi.
«Bizdiń elimizde eshqandai tildik qaqtyǵys joq, biraq, ókinishke qarai, kei jerlerde turmystyq mádenietsizdik bar. Osy máselemen birinshi kezekte ainalysýymyz kerek: tárbie berý, jańa qoǵamdyq etikany, minez-qulyq mádenietin nasihattaý qajet», – dedi ol.
Memlekettik keńesshi bul oqiǵalar qoǵamdyq jai-kúidi kórsetpeitinine nazar aýdardy.
«Keibir adamdar qaqtyǵysty ádeii ýshyqtyryp, ózderiniń jeke paidasyn kózdeidi», – dep sanaidy ol.
Onyń aitýynsha, mundai qaqtyǵystardyń uiymdastyrýshylary zań boiynsha jaýapkershilikke tartylady.
