Qazaqstan aýmaǵynda jalǵan terrorizm týraly habarlama taratqan onnan astam jasóspirim ustaldy, dep habarlaidy Dalanews.kz.
Ishki ister ministrliginiń málimetinshe, 2025 jyldyń qyrkúiek–qarasha ailarynda terakt jáne jarylys týraly ádeii jalǵan aqparat taratqan birqatar kámeletke tolmaǵan jasósipirim ustalǵan.
9 qyrkúiekte Balqash qalasynda 15 jáne 16 jastaǵy eki jasóspirim qolǵa tústi. Tergeý derekterine sáikes, olar 63 jalǵan habarlama jibergen.
14 qazanda Qazaqstan IIM men Resei IIM-niń birlesken operatsiiasy nátijesinde Saha respýblikasynyń aýmaǵynda Astana qalasynyń kámeletke tolmaǵan turǵyny ustaldy. Ol Reseidiń internet keńistiginde ulttyq arazdyq týdyratyn materialdar jáne Qazaqstan men Reseide terrorizm týraly jalǵan habarlamalar taratty degen kúdikke ilingen.
14 qarashada Tarazda mektepter men saýda ortalyǵyna úsh jarylǵysh qurylǵy qoiylǵany týraly jalǵan aqparat taratqan jasóspirim qolǵa tústi.
15 qarashada Aqtóbede úsh mektepke qatysty jalǵan terakt habarlamalaryn taratqan jasóspirim ustaldy.
20 qarashada Astanada WhatsApp arqyly osyndai eki jalǵan habarlama jibergen taǵy bir kámeletke tolmaǵan adam anyqtaldy.
Barlyq fakti boiynsha qylmystyq is qozǵaldy.
IIM ókilderi swatting jáne jalǵan tótenshe jaǵdai habarlamalary aýyr qylmys bolyp sanalatynyn eske saldy.
"Swatting jáne kez kelgen jalǵan habarlamalar aýyr qylmys retinde qaralady. Ol úshin 5000 AEK-ke deiin aiyppul nemese bes jylǵa deiin bas bostandyǵynan aiyrý jazasy qarastyrylǵan. Ata-analardy, muǵalimderdi jáne jastardy jaýapkershilik tanytyp, kúmándi internet-trendterge ermeýge shaqyramyz. Mundai "ázilderdiń" qoǵamǵa da, jasóspirimderdiń taǵdyryna da naqty ziian keltiretinin umytpaý qajet", – dedi QR IIM Kiberqylmysqa qarsy kúres departamenti basshysynyń orynbasary Aslan Óskembaev.
