Májilis depýtaty Marhabat Jaiymbetov elde kóleńkeli saýda men jalǵan taýarlardyń kóbeiýine alańdaýshylyq bildirdi. Ádilet ministrliginiń deregine sáikes, 2025 jyly tárkilengen ónim kólemi 10 ese artqan. Alaida zańsyz naryqtyń naqty aýqymy budan da joǵary bolýy múmkin, dep habarlaidy Dalanews.kz.
Depýtattyń aitýynsha, eń aldymen taýardaǵy biregei kodty skanerleý arqyly onyń túpnusqalyǵyn birden tekserýge múmkindik beretin arnaiy mobildi qosymsha iske qosý qajet. Sonymen qatar kontrafakt ónim óndirý men ony elge zańsyz importtaǵany úshin qylmystyq jáne qarjylyq jaýapkershilikti kúsheitý usynyldy. Budan bólek, belgili bir sanattaǵy taýarlardy tek óndirýshilerden tikelei jetkiziletin rastalǵan jetkizý arnalary arqyly satýdy mindetteý kerek dep sanaidy. Sondai-aq ásirese Resei men Qytaidan keletin "sur importty" taldap, jalǵan ónimderdi ótkizý arnalarynyń biryńǵai tizilimin jasaý usynyldy.
Marhabat Jaiymbetov búginde saýda oryndarynda jeke gigiena quraldarynan bastap azyq-túlikke deiingi tanymal brendterdiń qoldan jasalǵan nusqalary kezdesetinin atap ótti. Onyń aitýynsha, mundai ónimder sanitarlyq qorytyndysyz ákelinip, azamattardyń densaýlyǵyna qaýip tóndiredi.
