Qazaqstan úkimeti taýar baǵasynyń jalpy ósýin boljap otyrǵan joq. Bul týraly Saýda jáne integratsiia ministri Arman Shaqqaliev málimdedi, dep habarlaidy dalanews.kz.
Ministrdiń aitýynsha, azyq-túlik ónimderiniń qunynda negizgi úlesti shikizat pen jem-shóp shyǵyndary quraidy. Máselen, sút ónimderiniń ózindik qunynyń 80 paiyzyna deiin shikizatqa tiesili. Nan baǵasynyń shamamen 65 paiyzy unnyń qunynan qalyptassa, siyr etiniń baǵasyndaǵy úles salmaqtyń 75-80 paiyzyn jem-shóp bazasy quraidy.
Arman Shaqqaliev memleket taýarlardyń basym bóliginiń baǵasyn tikelei rettemeitinin atap ótti.
Onyń sózinshe, Qazaqstanda óndirýshiler baǵa ústemesin ózderi belgileidi, sebebi kóptegen taýar sanattary memlekettik retteýge jatpaidy.
«Úkimettiń mindeti – altyn ortany tabý. Bir jaǵynan infraqurylymdy jańǵyrtýdy qamtamasyz etý qajet. Ekinshi jaǵynan elektr energetikasy salasynda jumys isteitin azamattar laiyqty jalaqy alýy tiis. Sonymen qatar ónim baǵasynyń kúrt ári baqylaýsyz ósýine jol bermeý mańyzdy», – dedi ministr.
Shaqqalievtiń aitýynsha, qazirgi tańda úkimet taýar baǵasynyń jappai qymbattaýyn kútpeidi jáne naryqtaǵy tepe-teńdikti saqtaýǵa basymdyq berip otyr.
