Qazaqstanda biyl qosymsha 6 aqyly jol ýchaskesin engizý josparlanyp otyr, dep habarlaidy Dala News.
«QazAvtoJol» UK» AQ basqarma tóraǵasy Darhan Imanashev málimetinshe, qazirgi ýaqytta el aýmaǵynda jalpy uzyndyǵy 4 900 shaqyrymdy quraityn 26 aqyly jol jumys istep tur.
Onyń aitýynsha, jańa engizilgen normalarǵa sáikes, jolda aqaýlar anyqtalǵan jaǵdaida jol júrý aqysy ýaqytsha toqtatylady. Qazirdiń ózinde 15 ýchaskede jaryqtar men túrli aqaýlardy joiý jumystary júrgizilip jatyr.
Sondai-aq spiker biylǵy sý tasqyny kezeńi jol qyzmetteri úshin sátti ótkenin atap ótti. Aldyn ala daiyndyqtyń arqasynda 2026 jyly respýblikalyq joldarda nebári 5 sý basý faktisi tirkelgen. Bul eki jyl burynǵy 178 jaǵdaimen salystyrǵanda aitarlyqtai tómen.
Sý tasqynyna qarsy jumystarǵa 1000 birlik tehnika men 1900 qyzmetker jumyldyrylǵan. Sonymen qatar shamamen 15 myń sýótkizgish qubyr tazartylyp, 86 myń tekshe metr inertti material daiyndalǵan.
