Qazaqstandyq áiel ýniversitette syrttai oqyǵan kezeńin eńbek ótiline engizýdi talap etip sotqa júgingenimen, barlyq sot instantsiiasynda jeńilip qaldy, dep habarlaidy dalanews.kz.
Shyǵys Qazaqstan oblystyq sotynyń málimetinshe, talapker joǵary oqý ornynda syrttai bilim alǵan ýaqytyn zeinetaqy taǵaiyndaý kezinde eńbek ótili retinde esepteýdi suraǵan.
Is materialdaryna sáikes, áiel oqýyn aiaqtaǵannan keiin tótenshe jaǵdailar organdarynda eńbek etken. Alaida zeinetaqy rásimdeý barysynda syrttai oqý kezeńin eńbek ótiline qosýǵa ruqsat berilmegen.
Sot eńbek ótiline tek naqty jumys istegen kezeńder nemese zańda arnaiy kórsetilgen ýaqyttar ǵana engiziletinin atap ótti. Al syrttai oqý turaqty eńbek qyzmetine teńestirilmeidi degen qorytyndy jasalǵan.
Talapker áleýmettik kodekste oqý formasyna qatysty naqty shekteý joq ekenin aityp, kez kelgen oqý túri eńbek ótili retinde tanylýy tiis dep ýáj keltirgen.
Soǵan qaramastan apelliatsiialyq jáne kassatsiialyq sottar da alǵashqy sheshimdi ózgerissiz qaldyrdy.
