Energetıka mınıstrligi suıytylǵan munaı gazynyń kóterme shekti baǵasyn tonnasyna 51 932 teńge kóleminde belgileýdi usynyp otyr, dep habarlaıdy Dalanews.kz.
Bul týraly tıisti joba «Ashyq NQA» portalynda jarıalandy. Qujatqa qatysty qoǵamdyq talqylaý 2025 jylǵy 24 maýsymǵa deıin jalǵasady.
Jańa buıryq qabyldansa, suıytylǵan gazdyń baǵasy qazirgi 45 158 teńgeden 15%-ǵa ósedi. Jańartylǵan tarıf 2025 jylǵy 1 shildeden bastap 31 jeltoqsanǵa deıin kúshinde bolady.
Avtogaz - kólik otyny retinde qoldanylatyn suıytylǵan munaı gazy. Ol ádette propan men býtannyń qospasynan turady jáne qysymmen saqtalady. Bul otyn túri benzın men dızelge qaraǵanda arzan ári ekologıaǵa zıany az balama retinde tanylǵan.
Aıta keteıik, buǵan deıin Qazaqstan úkimeti suıytylǵan gazdy shetelge eksporttaýǵa taǵy alty aıǵa tyıym salǵan bolatyn.
