ەنەرگەتيكا مينيسترلىگى سۇيىتىلعان مۇناي گازىنىڭ كوتەرمە شەكتى باعاسىن تونناسىنا 51 932 تەڭگە كولەمىندە بەلگىلەۋدى ۇسىنىپ وتىر، دەپ حابارلايدى Dalanews.kz.
بۇل تۋرالى ءتيىستى جوبا «اشىق نقا» پورتالىندا جاريالاندى. قۇجاتقا قاتىستى قوعامدىق تالقىلاۋ 2025 جىلعى 24 ماۋسىمعا دەيىن جالعاسادى.
جاڭا بۇيرىق قابىلدانسا، سۇيىتىلعان گازدىڭ باعاسى قازىرگى 45 158 تەڭگەدەن 15%-عا وسەدى. جاڭارتىلعان تاريف 2025 جىلعى 1 شىلدەدەن باستاپ 31 جەلتوقسانعا دەيىن كۇشىندە بولادى.
اۆتوگاز - كولىك وتىنى رەتىندە قولدانىلاتىن سۇيىتىلعان مۇناي گازى. ول ادەتتە پروپان مەن بۋتاننىڭ قوسپاسىنان تۇرادى جانە قىسىممەن ساقتالادى. بۇل وتىن ءتۇرى بەنزين مەن ديزەلگە قاراعاندا ارزان ءارى ەكولوگياعا زيانى از بالاما رەتىندە تانىلعان.
ايتا كەتەيىك، بۇعان دەيىن قازاقستان ۇكىمەتى سۇيىتىلعان گازدى شەتەلگە ەكسپورتتاۋعا تاعى التى ايعا تىيىم سالعان بولاتىن.
