1 tamyzdan bastap suiytylǵan munai gazynyń (SMG) kóterme jáne bólshek baǵasy ósýi múmkin, dep habarlaidy Dalanews.kz.
Energetika ministrligi usynǵan jańa jobada kóterme baǵa tonnasyna 59 722 teńgege deiin, iaǵni 8 myń teńgege qymbattaýy múmkin ekeni kórsetilgen. Al avtogaz quny litrine 7-10 teńgege artýy yqtimal.
Vedomstvo ókilderiniń aitýynsha, qazirgi baǵa suiytylǵan gaz óndirýshilerge ekonomikalyq turǵydan tiimsiz. Mysaly, gazdyń ózindik quny – tonnasyna 70-80 myń teńge shamasynda bolsa, zaýyttarǵa belgilengen kóterme baǵa qazir 51 932 teńgeni qurap otyr.
Sonymen qatar, eldegi SMG-ǵa degen suranys artyp keledi. Sarapshylardyń boljamynsha, eger jaǵdai ózgermese, 2025 jylǵa qarai suiytylǵan gazdyń tapshylyǵy 30-40%-ke deiin jetýi múmkin.
Baǵany kóterýge qatysty joba “Ashyq NQA” portalynda 23 shildege deiin qoǵamdyq talqylaýǵa shyǵaryldy.
