Qazaqstanda sý tasqynynyń saldarymen kúresýge bólingen 1 mlrd teńge urlandy, dep habarlaidy Dalanews.kz.
“Eske sala keteiik, Memleket basshysynyń tapsyrmasy boiynsha Úkimet, kvazimemlekettik kompaniialar, kásipkerler jáne memlekettik qorlar 140 milliard teńgeden astam qarajat bóldi. Bul qarajat is júzinde zardap shekken barlyq azamatqa jetedi.
Máselen, Almaty qalasy, Aqtóbe, Qyzylorda oblystary men Ulytaý oblysyndaǵy qarjy monitoringi organdary urlyq deregi boiynsha tórt is qozǵady. Kúdikti retinde bes adam anyqtaldy. Keltirilgen zalaldyń jalpy somasy 1 milliard teńgeden asty”, - delingen Qarjy monitoringi agenttigi (QQA) taratqan habarlamada.
AFM tóraǵasy Dmitrii Malahov bólingen qarjynyń qaida ketkenin tekserýdi jáne ony baǵalaýdy qamtamasyz etý qajettigin atap ótti.
“Vedomstvonyń aýmaqtyq departamentteriniń basshylary memlekettik organdar men sharýashylyq júrgizýshi sýbektilerdiń qyzmetine aralaspai, bógetterdi, sý burý qurylystaryn salýǵa, sondai-aq ózen arnalaryn tereńdetýge bólingen qarjynyń utymdy jumsalýyn zerdeleýi qajet”, - dep tapsyrdy Malahov.
Sonymen qatar profilaktikalyq jumys jábirlenýshilerge kómektesý úshin aqsha jinap jatqan alaiaqtardyń kúsheiýine qarsy turýǵa baǵyttalǵany atalyp ótti.
Qala berdi baǵanyń ósýine jol bermeýge erekshe kóńil bólý tapsyryldy.
Osy maqsatqa jetý úshin azyq-túlik, aýyz sý, dári-dármek jáne basqa da eń qajetti zattardyń qunyn qadaǵalaý jumystary jalǵasady.
Agenttik qurylys materialdarynyń baǵasyna qatysty alypsatarlyq táýekelderin de joqqa shyǵarmaidy.
Anyqtalǵan faktilermen kúres taldaý quraldary arqyly júrgiziletini habarlandy.
Qorytyndylai kele, agenttik basshysyna baǵanyń negizsiz ósýine jol bermeý boiynsha jergilikti atqarýshy organdarmen jumysty jandandyrý jáne yqtimal aila-sharǵylardy joiý boiynsha usynystar ázirleý tapsyryldy.
