Qazaqstan sý resýrstary boiynsha tapshylyq deńgeii 34,6%-dy qurap, álemdik reitingte 49-orynǵa ornalasty. Bul týraly BUU Azyq-túlik jáne aýyl sharýashylyǵy uiymy usynǵan derekterde aitylǵan, dep habarlaidy Dalanews.kz.
Sarapshylardyń málimetinshe, keibir elderde sý tutyný kólemi tabiǵi jolmen qalpyna keletin resýrstardan áldeqaida asyp ketken. Sý tapshylyǵy deńgeii tushy sýdy paidalaný kóleminiń jańartylatyn sý qorlaryna qatynasy arqyly esepteledi.
Kórsetkish 100%-dan asqan jaǵdaida elder tabiǵi resýrstan artyq sý tutynyp, jerasty sýlarynyń sarqylýyna nemese sýdy tushylandyrýǵa táýeldi bola bastaidy.
Reitingte eń joǵary kórsetkish Kýveit elinde tirkelgen – 3850,5%. Odan keiin Birikken Arab Ámirlikteri (1509,9%) jáne Saýd Arabiiasy (974,2%) tur.
Ortalyq Aziia elderi de joǵary kórsetkishtermen erekshelenedi. Máselen, Túrikmenstan – 135,2%, Ózbekstan – 123%, Tájikstan – 69,9%.
Salystyrmaly túrde Reseide bul kórsetkish 4,1%-dy ǵana quraidy.
Mamandardyń aitýynsha, sý tapshylyǵynyń artýy klimattyń ózgerýimen, halyq sanynyń ósýimen jáne aýyl sharýashylyǵy men ónerkásiptegi sýdy shamadan tys paidalanýmen bailanysty. Bul másele aldaǵy ýaqytta Qazaqstan úshin de mańyzdy ekologiialyq jáne ekonomikalyq syn-qaterge ainalýy múmkin.
