Qazaqstanda jariialanǵan amnistiia aiasynda 620 sottalǵan adam túzeý mekemelerinen bosatyldy. Bul týraly Ishki ister ministrligi málimdedi, dep habarlaidy dalanews.kz.
Ministrliktiń habarlaýynsha, amnistiiany qoldaný úshin sottarǵa 10 myńnan astam material joldanǵan. Onyń ishinde 4 400-ge jýyǵyn qylmystyq-atqarý júiesi mekemeleri, al 6 900-den astamyn probatsiia qyzmeti daiyndaǵan.
Qazirgi ýaqytqa deiin sottar myńnan astam materialdy qarap, nátijesinde 620 adam koloniiadan bosatyldy. Sonymen qatar probatsiia esebinde turǵan 724 azamat jazasynyń qalǵan bóligin óteýden bosatyldy. Budan bólek, 730-dan astam sottalǵannyń jaza merzimi qysqartylǵan.
"Sottar myńnan astam materialdy qarap, túzeý mekemelerinen 620 adamdy bosatty. Sonymen birge probatsiia qyzmetiniń esebinde turǵan 724 azamat jazasyn óteýden bosatyldy, al 730-dan astam sottalǵannyń jaza merzimi qysqartyldy", - dep málimdedi IIM.
Vedomstvo amnistiianyń barlyq sottalǵanǵa birdei avtomatty túrde qoldanylmaitynyn atap ótti.
"Qylmystyq amnistiia avtomatty túrde qoldanylmaidy. Árbir adamnyń isi jeke qaralady, al túpkilikti sheshimdi sot qabyldaidy", - delingen Ishki ister ministrliginiń habarlamasynda.
