Astanada saiasi partiialardyń qarjylandyrýynyń ashyqtyǵy men jemqorlyq áreketterdi qylmys dep taný máseleleri talqylandy, - dep habarlaidy Dalanews.kz.
Astanada Eýropa Keńesiniń Sybailas jemqorlyqqa qarsy kúres jónindegi memleketter tobynyń (GREKO) sarapshylary úkimettik emes uiymdar men jýrnalistermen kezdesti. Bul jiyn Antikor qyzmeti ǵimaratynda ótti jáne GREKO-nyń úshinshi raýndtyq monitoringi aiasynda ótkizildi.
Kezdesýde saiasi partiialardyń qarjylandyrýynyń ashyqtyǵy men jemqorlyq áreketterdi qylmys dep taný máseleleri talqylandy.
Aita keteiik, Qazaqstan Ortalyq Aziiadaǵy jalǵyz memleket retinde 2020 jyldyń qańtar aiynan beri GREKO múshesi bolyp keledi. Osy ýaqyt aralyǵynda Qazaqstan Eýropa Keńesiniń Sybailas jemqorlyqqa qarsy kúres jónindegi memleketter tobymen birlesip, sybailas jemqorlyqqa qarsy zańnamany jetildirý jáne ony tájiribede qoldaný jumystaryn júrgizip keledi.
Aldyńǵy saraptamalyq baǵalaý 2021 jyly ótken eki raýndtyq monitoringte jasalǵan bolatyn. Búginde osy raýndtyń nátijeleri men usynystar jaily esepter Eýropa Keńesi men Antikor qyzmetiniń resmi saittarynda jariialanǵan.
Úshinshi raýndtyq monitoring osy joly saiasi partiialardyń qarjylyq ashyqtyǵy men jemqorlyq áreketterdiń qylmys dep tanylýy máselelerine arnalǵan. GREKO sarapshylarynyń quramyna Frantsiia, Ispaniia, Horvatiia jáne Rýmyniia ókilderi, sondai-aq GREKO hatshylyǵynyń qyzmetkerleri, onyń ishinde Ispaniianyń jaýapty atqarýshy hatshysy Laýra Sanz-Levia kirdi. 10-13 qyrkúiek aralyǵynda sarapshylar Qazaqstan Respýblikasynyń Prezidenti Ákimshiligi, Parlament, memlekettik jáne quqyq qorǵaý organdary, sot júiesi, saiasi partiialar, úkimettik emes uiymdar jáne ǵylymi qoǵamdastyq ókilderimen kezdesýler ótkizedi.
Bul saraptamalyq toptyń jumys nátijesinde Qazaqstannyń zańnamasyn jetildirý jáne ony qoldaný tájiribesin jaqsartý boiynsha Eýropa Keńesiniń sybailas jemqorlyqqa qarsy standarttaryna sáikes keletin naqty usynystar men esep daiyndalady.
