Qazaqstanda sybailas jemqorlyqqa qarsy jariia portal quryldy, – dep habarlaidy Dalanews.kz.
Sybailas jemqorlyqqa qarsy is-qimyl agenttigi "Ulttyq aqparattyq tehnologiialar" AQ-men birlesip, sybailas jemqorlyqqa qarsy jariia portaldy iske qosty. Ol sybailas jemqorlyqqa qarsy is-qimyl týraly aqparatty bir resýrsta júieleýge arnalǵan.
"Sybailas jemqorlyqqa qarsy is-sharalarmen kez kelgen adam tanysa alady. Sondai-aq, portaldy paidalanýshylar ózderin qyzyqtyratyn, onlain testileý jáne sertifikat alý múmkindigi bar oqý kýrstaryn taba alady. Áleýmettaný baǵytyndaǵy zertteýlerge erekshe kóńil bólinedi. Sondai-aq munda Transparency International halyqaralyq uiymynyń jyl saiynǵy zertteý nátijeleri jáne sybailas jemqorlyqty júieleý indeksindegi Qazaqstannyń pozitsiiasy qoljetimdi", - dep jazylǵan habarlamada.
Antikor málimetinshe, bul resýrsta «Sybailas jemqorlyq kartogrammasy» qamtylǵan, onda sybailas jemqorlyq táýekelderinde turǵan laýazymdar tizimi jáne memlekettik organdar men óńirler boiynsha sybailas jemqorlyq táýekelderiniń kartasy qamtylǵan.
Aita keteiik, buǵan deiin Senatta ótken brifingte Antikor tóraǵasynyń orynbasary Darhan Quraqbaev sybailas jemqorlar tizimin ázirleý jobasy týraly aitty. Bul usynys qańtarda qaraýǵa jiberilgen.
"Tizilimde jemqorlar sottyń kúshine engen úkiminen keiin nemese ózge de sheshimderden (mysaly prokýratýranyń sheshimi) keiin ǵana kórsetiledi. Bul tizilim zańnamamen rettelýi kerek. Zań jobasy Májiliste qaralyp jatyr", - dedi Antikor tóraǵasynyń orynbasary buǵan deiin.
