قازاقستاندا سىبايلاس جەمقورلىققا قارسى جاريا پورتال قۇرىلدى، – دەپ حابارلايدى Dalanews.kz.
سىبايلاس جەمقورلىققا قارسى ءىس-قيمىل اگەنتتىگى "ۇلتتىق اقپاراتتىق تەحنولوگيالار" اق-مەن بىرلەسىپ، سىبايلاس جەمقورلىققا قارسى جاريا پورتالدى ىسكە قوستى. ول سىبايلاس جەمقورلىققا قارسى ءىس-قيمىل تۋرالى اقپاراتتى ءبىر رەسۋرستا جۇيەلەۋگە ارنالعان.
"سىبايلاس جەمقورلىققا قارسى ىس-شارالارمەن كەز كەلگەن ادام تانىسا الادى. سونداي-اق، پورتالدى پايدالانۋشىلار وزدەرىن قىزىقتىراتىن، ونلاين تەستىلەۋ جانە سەرتيفيكات الۋ مۇمكىندىگى بار وقۋ كۋرستارىن تابا الادى. الەۋمەتتانۋ باعىتىنداعى زەرتتەۋلەرگە ەرەكشە كوڭىل بولىنەدى. سونداي-اق مۇندا Transparency International حالىقارالىق ۇيىمىنىڭ جىل سايىنعى زەرتتەۋ ناتيجەلەرى جانە سىبايلاس جەمقورلىقتى جۇيەلەۋ يندەكسىندەگى قازاقستاننىڭ پوزيسياسى قولجەتىمدى"، - دەپ جازىلعان حابارلامادا.
انتيكور مالىمەتىنشە، بۇل رەسۋرستا «سىبايلاس جەمقورلىق كارتوگرامماسى» قامتىلعان، وندا سىبايلاس جەمقورلىق تاۋەكەلدەرىندە تۇرعان لاۋازىمدار ءتىزىمى جانە مەملەكەتتىك ورگاندار مەن وڭىرلەر بويىنشا سىبايلاس جەمقورلىق تاۋەكەلدەرىنىڭ كارتاسى قامتىلعان.
ايتا كەتەيىك، بۇعان دەيىن سەناتتا وتكەن بريفينگتە انتيكور ءتوراعاسىنىڭ ورىنباسارى دارحان قۇراقبايەۆ سىبايلاس جەمقورلار ءتىزىمىن ازىرلەۋ جوباسى تۋرالى ايتتى. بۇل ۇسىنىس قاڭتاردا قاراۋعا جىبەرىلگەن.
"تىزىلىمدە جەمقورلار سوتتىڭ كۇشىنە ەنگەن ۇكىمىنەن كەيىن نەمەسە وزگە دە شەشىمدەردەن (مىسالى پروكۋراتۋرانىڭ شەشىمى) كەيىن عانا كورسەتىلەدى. بۇل ءتىزىلىم زاڭنامامەن رەتتەلۋى كەرەك. زاڭ جوباسى ماجىلىستە قارالىپ جاتىر"، - دەدى انتيكور ءتوراعاسىنىڭ ورىنباسارى بۇعان دەيىن.
