Qazaqstanda turaqty turýǵa niet bildirgen shetel azamattaryna qoiylatyn talaptar kúsheitildi. Endi jol qozǵalysy erejelerin birneshe ret buzý jáne ózge de ákimshilik quqyqbuzýshylyqtar azamattyq alýdan bas tartýǵa negiz bolýy múmkin, dep habarlaidy Dalanews.kz.
Sonymen qatar úmitkerlerdiń qarjylai turaqtylyǵy men qoǵamǵa beiimdelý deńgeiine qoiylatyn talaptar da qatańdatyldy. Iaǵni, tek zańǵa baǵyný ǵana emes, eldegi áleýmettik ortaǵa sátti kirigý de mańyzdy sharttardyń birine ainaldy.
Ishki ister ministrliginiń málimetinshe, biyl zańsyz kóshi-qonnyń bes arnasy anyqtalyp, joiylǵan. Budan bólek, kóshi-qon úderisin tiimdi baqylaý úshin jasandy intellektke negizdelgen jańa tetikter engizilip jatyr.
