Almatyda belsendiler Memleket basshysy Qasym-Jomart Toqaevtan saiasi tutqyndardy bosatýdy talap etip, baspasóz máslihatyn ótkizdi, - dep habarlaidy Dalanews.kz.
Jiynǵa Rysbek Sársenbaiuly, Marjan Aspandiiarova, Ainara Aidarhanova, Jalǵas Saparhanova jáne Dýman Muhammedkárimniń ákesi Almas Tilepov qatysqan.
Baspasóz jiyny alǵashynda 9 naýryzǵa josparlanǵan. Belsendi, jýrnalist Rysbek Sársenbaidyń aitýynsha, onyń ótkizilmeýine tótenshe jaǵdai sebep bolǵan.
"Tótenshe jaǵdaidy týyndatqan - politsiia departamentiniń qyzmetkerleri. Olar meni ustap, jolda kúsh kórsetip, Talǵarǵa alyp baryp, densaýlyq jaǵdaiyma qaýip tóndirgen. Sondai sebeptermen kedergi jasap, ótkizbei tastady", - dedi belsendi.
Al keshe josparly jiyn ótti. Rysbek Sársenbaiuly men Marjan Aspandiiarova Qazaqstandaǵy saiasi tutqyndar boiynsha Qasym-Jomart Toqaevqa úndeý joldady.
"Eshbir ózgermesten, odan ári keri ketken Nazarbaevtyq bilik júiesi myńdaǵan adamdy baqytsyzdyqqa ushyratty. Solardyń qatarynda júrgendikten, ainalamyzdaǵy ádiletsizdikterden túńilgen soń osy úndeý hatty joldap otyrmyz. ...Aqiqatty ashyq aitqandar biliktiń jaýy atanyp, 37-jyldardaǵydai qýǵyn-súrginge tústi. Solardyń birnesheýine toqtalyp, aita keteiik: Áigerim Tileýjanova, Qalas Nurpeiisov, Nurlan Dálibaev (t.b.) negizsiz qylmystyq jaýapkershilikke tartylyp, árqaisy 8 jylǵa sottaldy.
...Prezident myrza, óz halqyńyzdy jaý sanamańyz, asyraý silteýge jol bermeńiz. Belsendilerdi ańdý, sottaý toqtatylsyn! Qazaqstanda saiasi tutqyndar bolmasyn!" - dedi Rysbek Sársenbaiuly.
