Aqtóbe men Almatydaǵy lańkestik oqiǵalardan keiin Qazaqstanda islamnyń ishindegi salafizm baǵytyna tyiym salý máselesi kóterilip otyr. Al, tyiym tek sottyń sheshimi shyqqan jaǵdaida ǵana salynady.
Bul týraly Informburo.kz-ke silteme jasaǵan sn.kz habarlaidy. QR Din isteri jónindegi komitet búginde salafizm aǵymynyń bolashaǵyn talqylap jatqan kórinedi. Dini aǵymdarǵa tyiym salý týraly usynysty jasaityn da osy vedomstvo.
"Sarapshylar arasynda Qazaqstanda salafizmge tyiym salý máselesi birinshi jyl talqylanyp jatqan joq. Biyl salafizmge qarsy taraptyń argýmentteri kóp. Aqtóbe men Almatydaǵy lańkestik oqiǵalardyń artynda osy salafizm baǵytyn ustanýshylardyń turǵany belgili bolyp otyr. Qazirgi tańda quzyrly memlekettik organdarmen birigip, oryn alǵan jaittardyń derekterin zerttep jatyrmyz. Jan-jaqty zertteýler júrgizip bolǵan soń tiisti sheshim de qabyldaityn bolamyz", - delingen komitet ókilderiniń jaýabynda.
Olardyń aitýynsha, memleket salafilerdiń áreketine barynsha qatań sharalar qoldanatyn bolady.
"Búginde Qazaqstanda tyiym salynǵan aǵymdardyń qatarynda "Hizb-ýt Tahrir", "Tabliǵi-jamaǵat", "at-Takfir ýál-Hidjra" syndy dini uiymdar bar. Bulardyń sońǵysy salafizm ideologiiasy negizinde qurylǵan. Sot sheshimimen endi bul tizim taǵy tolyǵýy múmkin. Tyiym salý ońai sharýa emes, ásirese, úlken bir dini aǵym týraly sóz bolyp otyrǵan sátte. Ol úshin naqty dálelder kerek. Qazir bul máselemen tiisti organdar ainalysyp jatyr", - deidi Din isteri komitetindegiler.
Aita keteiik, Qazaqstanda salafizm aǵymyna tyiym salý máselesi Aqtóbedegi lańkestik oqiǵadan keiin qyzý talqylanyp jatyr. 7 adamnyń ómirin jutqan teraktiniń artynda salafilerdiń turǵanyn Memleket basshysy N.Nazarbaevtiń ózi de aitty.
Alaida, Elbasynyń bul sózimen kelispegen Májilis depýtaty Omarhan Óksikbaev salafilerden keletin qaýiptiń joq ekenin aityp suhbat berdi. Tipti, QR Syrtqy ister ministri Erlan Ydyrysov ta saýdiialyq áriptesterimizdi renjitip almaý úshin salafizmge tyiym salýǵa bolmaitynyn meńzegen.
