Qazaqstanda 2025 jyly qutyrma derti saldarynan úsh adam kóz jumǵan, dep habarlaidy Dalanews.kz.
Densaýlyq saqtaý ministrliginiń málimetinshe, 2026 jyldyń basynan beri elde qutyrma juqtyrǵandar tirkelmegen. Degenmen janýarlarmen bailanystan keiin dárigerge qaralatyndar sany áli de azaimai otyr.
Jaraqat alǵandar kóp
2025 jyly janýar tisteý, tyrnaý nemese silekeii tiiý jaǵdailarynan keiin 60 myńnan astam adam meditsinalyq kómekke júgingen. Olardyń bárine tiisti em kórsetilgen.
Al 2026 jyldyń alǵashqy úsh aiynda osyndai sebeppen taǵy 14 myńnan astam adam tirkelgen.
Ýaqytyly ekpe alý mańyzdy
Mamandar qutyrmadan saqtanýdyń eń tiimdi joly – qaýipti jaǵdaidan keiin birden vaktsina saldyrý ekenin aitady. Sonymen qatar jaraqat alǵan jerdi sabyndy sýmen jaqsylap jýyp, dereý dárigerge qaralý qajet.
Aita keteiik, qutyrmaǵa qarsy ekpe tegin júrgiziledi.
Saqtyq sharalaryn umytpańyz
Dárigerler turǵyndarǵa jabaiy janýarlarǵa jaqyndamaýǵa keńes beredi. Al úi janýarlaryn ustaityndar olardy ýaqytyly ekpeden ótkizip otyrýy tiis.
Eger janýardyń minezi ózgerse, basqa janýarlarmen bailanystan keiin jaraqat alsa nemese sebepsiz ólip qalsa, ony birden veterinar mamandarǵa kórsetý qajet.
