قازاقستاندا 2025 جىلى قۇتىرما دەرتٸ سالدارىنان ٷش ادام كٶز جۇمعان, دەپ حابارلايدى Dalanews.kz.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, 2026 جىلدىڭ باسىنان بەرٸ ەلدە قۇتىرما جۇقتىرعاندار تٸركەلمەگەن. دەگەنمەن جانۋارلارمەن بايلانىستان كەيٸن دەرٸگەرگە قارالاتىندار سانى ەلٸ دە ازايماي وتىر.
جاراقات العاندار كٶپ
2025 جىلى جانۋار تٸستەۋ, تىرناۋ نەمەسە سٸلەكەيٸ تييۋ جاعدايلارىنان كەيٸن 60 مىڭنان استام ادام مەديتسينالىق كٶمەككە جٷگٸنگەن. ولاردىڭ بەرٸنە تيٸستٸ ەم كٶرسەتٸلگەن.
ال 2026 جىلدىڭ العاشقى ٷش ايىندا وسىنداي سەبەپپەن تاعى 14 مىڭنان استام ادام تٸركەلگەن.
ۋاقىتىلى ەكپە الۋ ماڭىزدى
ماماندار قۇتىرمادان ساقتانۋدىڭ ەڭ تيٸمدٸ جولى – قاۋٸپتٸ جاعدايدان كەيٸن بٸردەن ۆاكتسينا سالدىرۋ ەكەنٸن ايتادى. سونىمەن قاتار جاراقات العان جەردٸ سابىندى سۋمەن جاقسىلاپ جۋىپ, دەرەۋ دەرٸگەرگە قارالۋ قاجەت.
ايتا كەتەيٸك, قۇتىرماعا قارسى ەكپە تەگٸن جٷرگٸزٸلەدٸ.
ساقتىق شارالارىن ۇمىتپاڭىز
دەرٸگەرلەر تۇرعىندارعا جابايى جانۋارلارعا جاقىنداماۋعا كەڭەس بەرەدٸ. ال ٷي جانۋارلارىن ۇستايتىندار ولاردى ۋاقىتىلى ەكپەدەن ٶتكٸزٸپ وتىرۋى تيٸس.
ەگەر جانۋاردىڭ مٸنەزٸ ٶزگەرسە, باسقا جانۋارلارمەن بايلانىستان كەيٸن جاراقات السا نەمەسە سەبەپسٸز ٶلٸپ قالسا, ونى بٸردەن ۆەتەرينار ماماندارعا كٶرسەتۋ قاجەت.
