2025 jyldyń qańtar–qyrkúiek ailarynda eldegi qolma-qolsyz tólemder kólemi 135,2 trln teńgege jetti. Bul ótken jylmen salystyrǵanda 15,5% joǵary. Qazaqstan qarjygerleri qaýymdastyǵynyń málimetinshe, búginde barlyq tólemderdiń 87 paiyzy qolma-qolsyz júzege asady, dep habarlaidy Dalanews.kz.
QR-kod arqyly jasalǵan tólemder 14 trln teńgege jetip, tarihta alǵash ret POS-terminaldardaǵy ainalymdy (12,9 trln teńge) basyp ozdy.
Internet-tólemderdiń úlesi 80,5%-dan 75,3%-ǵa tómendedi. Sarapshylar muny halyqtyń odan da jyldam ári qolaily tólem ádisterine kóshýimen bailanystyrady.
Qolma-qol aqsha ainalymda bar bolǵanymen, onyń mańyzy azaiyp keledi. Bankomattardan 20,1 trln teńge alynǵanymen, qolma-qolsyz tólemder kólemi bul kórsetkishten 6,7 ese kóp.
Qolma-qolsyz operatsiialardyń úshten ekisi Almaty, Astana jáne Shymkentte jasalady.
Degenmen, oblystar arasyndaǵy tsifrlyq aiyrmashylyq tarylyp keledi. Akmola, Jetisý jáne Túrkistan oblystary qolma-qolsyz tólemderdiń eń joǵary ósimin kórsetken óńirlerdiń qatarynda.
