Mádeniet jáne aqparat vitse-ministri Evgenii Kochetov Senat kýlýarynda qyz alyp qashýdy dáripteitin ánderge qatysty ministrliktiń ustanymyn aitty, dep habarlaidy Dalanews.kz.
Onyń sózinshe, mundai shyǵarmalarǵa endi erekshe nazar aýdarylady. Sebebi qazaqstandyq ártisterdi shetelde de kóp tyńdaidy, sondyqtan olardyń repertýary qoǵamǵa qandai mazmun usynatyny mańyzdy.
Vitse-ministr ministrlik ánshilerge osyndai ánderdi oryndamaýdy nemese mátinin ózgertýge keńes berýi múmkin ekenin de jasyrmady. Ol keiingi ýaqytta kei óńirlerde qyz alyp qashýǵa qatysty oqiǵalar qoǵamda úlken rezonans týǵyzǵanyn atap ótti.
“Bul máselede sizderdiń de qoldaýlaryńyz mańyzdy. Qoǵamnyń ózi ártisterdi basqa taqyrypta án aitýǵa yntalandyrady dep senemiz”, - dedi ol.
