2025 jylǵy 1 aqpandaǵy jaǵdai boiynsha jergilikti atqarýshy organdardyń ruqsatymen Qazaqstan aýmaǵynda 13 072 shetel azamaty eńbek etedi, dep habarlaidy Dalanews.kz Eńbek jáne halyqty áleýmettik qorǵaý ministrligine silteme jasap.
Shetel jumys kúshin (ShJK) tartýǵa ruqsattardyń arasynda mynadai sanattar bar: basshylar men olardyń orynbasarlary úshin 568 ruqsat (birinshi sanat), qurylymdyq bólimshelerdiń basshylary úshin 2 528 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe olar 4 787 jáne 987 adam. Sondai-aq maýsymdyq jumystarǵa 672 adam, al korporativtik aýystyrý aiasynda 3 530 adam tartyldy.
Qazirgi ýaqytta Qazaqstanda ShJK paidalanatyn 1 710 jumys berýshi bar. Olarda 383,1 myńnan astam Qazaqstan azamaty jumys isteidi, bul qyzmetkerlerdiń jalpy sanynyń 96,6% - y.
Ekonomikalyq qyzmet túrleri boiynsha eń kóp jumys isteitinder qurylys salasynda – 5 343 adam, taý – ken ónerkásibi jáne karerlerdi qazý – 1 360 adam, óńdeý ónerkásibi – 1 338 adam, ákimshilik jáne kómekshi qyzmetter – 1 089, aýyl, orman jáne balyq sharýashylyǵy – 688 adam.
Eńbek migranttary keletin negizgi elder: Qytai – 4 778 adam, Túrkiia – 1 158 adam, Úndistan – 1 121 adam, Ózbekstan – 623 adam.
Ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn respýblikaǵa shetel mamandaryn tartýǵa kvota belgileidi jáne bóledi. 2025 jyly jalpy kvota respýblikadaǵy jumys kúshiniń sanyna qatysty 0,2% nemese 14,8 myń birlik mólsherinde belgilendi.
