Qazaqstan Senaty azamattyq jáne qyzmettik qarý aınalymyna memlekettik baqylaýdy kúsheıtýge baǵyttalǵan túzetýlerdi maquldady, dep habarlaıdy Dalanews.kz.
Jańa talapqa sáıkes, oıyq uńǵyly qarý ıeleri qarýyn polısıaǵa tapsyryp, baqylaý maqsatyndaǵy arnaıy atý rásiminen ótýi kerek.
Eger qarý ıesi bul talaptan jaltarsa nemese belgilengen merzimdi buzsa, İshki ister mınıstrligi qarýdy saqtaý jáne alyp júrýge berilgen ruqsatty keri qaıtaryp alatyn bolady.
Ózgerister zańdy tulǵalarǵa da qatysty. Qyzmetin ýaqytsha toqtatqan uıymdar qoldaryndaǵy qarý-jaraqty 10 kún ishinde İshki ister organdaryna tapsyrýǵa mindetteledi.
Bul sharalar qoǵamdyq qaýipsizdikti arttyrýǵa jáne qarý ıelený talaptarynyń qatań saqtalýyn qamtamasyz etýge baǵyttalǵan.
