قازاقستان سەناتى ازاماتتىق جانە قىزمەتتىك قارۋ اينالىمىنا مەملەكەتتىك باقىلاۋدى كۇشەيتۋگە باعىتتالعان تۇزەتۋلەردى ماقۇلدادى، دەپ حابارلايدى Dalanews.kz.
جاڭا تالاپقا سايكەس، ويىق ۇڭعىلى قارۋ يەلەرى قارۋىن پوليسياعا تاپسىرىپ، باقىلاۋ ماقساتىنداعى ارنايى اتۋ راسىمىنەن ءوتۋى كەرەك.
ەگەر قارۋ يەسى بۇل تالاپتان جالتارسا نەمەسە بەلگىلەنگەن مەرزىمدى بۇزسا، ىشكى ىستەر مينيسترلىگى قارۋدى ساقتاۋ جانە الىپ جۇرۋگە بەرىلگەن رۇقساتتى كەرى قايتارىپ الاتىن بولادى.
وزگەرىستەر زاڭدى تۇلعالارعا دا قاتىستى. قىزمەتىن ۋاقىتشا توقتاتقان ۇيىمدار قولدارىنداعى قارۋ-جاراقتى 10 كۇن ىشىندە ىشكى ىستەر ورگاندارىنا تاپسىرۋعا مىندەتتەلەدى.
بۇل شارالار قوعامدىق قاۋىپسىزدىكتى ارتتىرۋعا جانە قارۋ يەلەنۋ تالاپتارىنىڭ قاتاڭ ساقتالۋىن قامتاماسىز ەتۋگە باعىتتالعان.
