QR Mádeniet jáne sport ministrligine qarasty Din ister komitetiniń tóraǵasy Ǵalym Shoikinniń aitýynsha, Qazaqstandaǵy salafitterdiń sany 15 myń adamǵa jetken.
"Keibir óńirlerde tamyryn tereńge jaiyp úlgergen dini aǵymdar, sonyń ishinde salafizmdi ustanýshylardyń sany Qazaqstanda 15 myń adamǵa jetti. Olarmen Din isteri komitetine qarasty teolog-mamandar, oblystardaǵy din isteri jónindegi basqarmalar jáne men múftiiattyń mamandary qyzý jumystar júrgizip jatyr", - dedi Ǵ.Shoikin.
Onyń aitýynsha, dini kózqarasy úshin sottalǵandarmen túrmede de oaltý jumystary júrgiziledi eken. Nátijesinde 300 sottalýshy salafittik kózqarasynan ainyǵan.
"Jalpy aitqanda, sońǵy eki jylda mundai aǵymdardy ustanýshylardyń qatary kemidi. Biraq, bul bizge belgilisi ǵana. Biz bilmeitin radikaldar qanshama. Olardyń syrt kelbeti múldem kúdiksiz bolýy múmkin. Sondyqtan, radikaldy oiynan ainyǵandardyń ózderin jáne olardyń týǵan-týystaryn uzaq ýaqyt boiy baqylaýda ustaý kerek, iaǵni aldyn alý sharalary keshendi júrgizilýi tiis", - dep atap ótti komitet tóraǵasy.
Derekkóz: sn.kz
