Qazirgi tańda elimizdegi 22 myńnan asa bilim berý uiymynda 6 millionǵa jýyq oqýshyǵa 600 myńnan asa pedagog bilim beredi. Onyń ishinde 400 myńnan asa pedagog orta bilim berý salasynda eńbek etip júr. Bul týraly Oqý-aǵartý ministrligi málimdedi, dep habarlaidy Dalanews.kz.
Ministrlik málimetinshe, 2025-2026 oqý jylynda qazaqstandyq bilim berý uiymdaryna 10 myńnan asa jas pedagog jumysqa qabyldanǵan.
Pedagog mamandyǵy boiynsha oqyp jatqan stýdentterdiń shákirtaqysy keiingi bes jylda 2 ese kóbeiip, jańa oqý jylynan bastap 84 myń teńgege jetti.
2024-2025 oqý jylynda 1800-ge jýyq "Altyn belgi" iegeri pedagogikalyq mamandyqqa oqýǵa tússe, biyl 2 myńnan asa úzdik túlek ustaz mamandyǵyn tańdaǵan. Bul – osy jyly oqý bitirgen "Altyn belgi" iegerleriniń 23 paiyzǵa jýyǵy.
