Qazaqstanda psihologtardyń qyzmetin retteýge baǵyttalǵan jańa bastama usynyldy. Eńbek jáne halyqty áleýmettik qorǵaý ministrligi psihologtardyń memlekettik tizilimin júrgizý, mamandardy oǵan engizý jáne shyǵarý qaǵidalaryn bekitý týraly buiryq jobasyn qoǵamdyq talqylaýǵa shyǵardy, dep habarlaidy dalanews.kz.
Jańa qujatqa sáikes, elde resmi memlekettik psihologtar tizilimi qalyptastyrylady. Bul tizilimde kásibi talaptarǵa sai keletin mamandar týraly aqparat jinaqtalady.
Ministrliktiń málimetinshe, bastama 2026 jylǵy 2 shildede qabyldanǵan «Psihologiialyq qyzmet týraly» zańdy iske asyrý maqsatynda ázirlengen. Buǵan deiin Qazaqstanda psihologtardyń qyzmetin retteitin jeke zań da, memlekettik tizilim de bolǵan emes.
Mamandardyń pikirinshe, biryńǵai reestr psihologtardyń kásibi mártebesin naqtylap, azamattarǵa bilikti mamandardy tańdaýǵa kómektesedi. Sonymen qatar bul psihologiialyq qyzmet kórsetý salasyndaǵy ashyqtyq pen jaýapkershilikti arttyrýǵa yqpal etýi múmkin.
Qujat qoǵamdyq talqylaýdan ótkennen keiin tiisti tártippen bekitiledi.
