Májilis "Psihologiialyq qyzmet týraly" zańdy ekinshi oqylymda qabyldady. Qujattaǵy negizgi jańashyldyqtardyń biri – psihologtardyń biryńǵai memlekettik tizilimin qurý, dep habarlaidy dalanews.kz.
Endi psiholog mamandary osy tizilimge engizilgen jaǵdaida ǵana kásibi qyzmetpen ainalysa alady.
Sonymen qatar zań psihologiialyq kómekti meditsinalyq qyzmetten naqty ajyratady. Osyǵan bailanysty psihologtarǵa klientterge dári-dármek taǵaiyndaýǵa nemese medikamentozdyq em júrgizýge tyiym salynady.
Budan bólek, psihologiialyq kómek kórsetý kezinde adamnyń sanasyna áser etetin psihoaktivti zattar men psihoaktivti ádisterdi qoldanýǵa da ruqsat berilmeidi.
Zań psihologtardyń qyzmetin retteýdi kúsheitip, kórsetiletin psihologiialyq kómektiń sapasy men qaýipsizdigin arttyrýǵa baǵyttalǵan.
