Qazaqstanda otbasyndaǵy zorlyq-zombylyqqa qatysty zań qatańdatylýy múmkin, dep habarlaidy Dalanews.kz.
Osy tusta parlament májilisi "Qazaqstannyń keibir zańnamalyq aktilerine áielderdiń quqyqtary men balalardyń qaýipsizdigin qamtamasyz etý máseleleri boiynsha ózgerister men tolyqtyrýlar engizý týraly" zań jobasyn qaraidy.
Májilis depýtaty ári áleýmettik-mádeni damý komitetiniń tóraǵasy Ashat Aimaǵambetov zań jobasy májilis depýtattarynyń bastamasymen ázirlengenin ári qujat prezidenttiń otbasyndaǵy zorlyq-zombylyq úshin jaýapkershilikti qatańdatý tapsyrmasyna tolyǵymen sáikes keletinin atap ótti.
Zań jobasynda depýtattar birneshe negizgi norma usyndy. Atap aitatyn bolsaq:
- Birinshiden, uryp-soǵýdy jáne densaýlyqqa jeńil ziian keltirýdi qazirgi ákimshilik jaýapkershilikten qylmystyq jaýapkershilikke jatqyzý, jazasyn áldeqaida qatańdatý;
- Ekinshiden, jábirlenýshiniń ótinishin kútpei-aq, zorlyq-zombylyq týraly BAQ nemese onlain platformalardaǵy aqparat negizinde tisti sharalar qabyldaý quqyǵyn berý;
- Otbasynda zorlyq-zombylyq jasaǵan adamdardyń agressivti minez-qulqyn ózgertý úshin sotqa psihologiialyq kómek kórsetýdi mindetteý ókilettigin berý;
- Pedofilderdi ómir boiyna bas bostandyǵynan aiyrý;
- Sýitsidty nasihattaǵany nemese sýitsidke itermelegeni úshin qylmystyq jaýapkershilik engizý;
- Balalarǵa arnalǵan internat uiymdaryna aldyn-ala eskertýsiz kez-kelgen ýaqytta barý jáne tekserý.
