Qazaqstandyq mektepterde balalardyń túski as ishýine keminde bir saǵat ýaqyt bólý týraly usynys aityldy. Bul bastama qoǵam belsendisi Almira Orlova jariialaǵan petitsiiada kóterilgen, dep habarlaidy dalanews.kz.
Qazaqstandyq mektepterde balalardyń túski as ishýine keminde bir saǵat ýaqyt bólý týraly usynys aityldy. Bul bastama qoǵam belsendisi Almira Orlova jariialaǵan petitsiiada kóterilgen.
Petitsiia avtorynyń pikirinshe, belgilenetin 60 minýtqa ashanadaǵy kezek kútý, taǵam alý jáne tamaqtaný ýaqyty túgel kirýge tiis. Óitkeni qazir oqýshylar kezekte turǵannan keiin as ishýge orta eseppen 10–15 minýt qana jumsaidy. Al jekemenshik mektepterde túski úzilis shamamen 20–30 minýtqa sozylady.
Bastama iesi qysqa úziliste balalardyń asyǵys tamaqtanýǵa májbúr bolatynyn atap ótti. Onyń sózinshe, bul olardyń densaýlyǵyna jáne durys tamaqtaný daǵdysynyń qalyptasýyna keri áser etýi múmkin. Túski úzilisti uzartý oqýshylarǵa asyqpai tamaqtanyp, demalýǵa múmkindik bermek. Sonymen qatar jelinbei, qoqysqa tastalatyn taǵam kólemin azaitýǵa yqpal etedi.
Osyǵan bailanysty Densaýlyq saqtaý ministrligine sanitarlyq talaptardy qaita qarap, mektepterdegi sabaq kestesi men ashana jumysyn uiymdastyrýǵa arnalǵan tiisti usynymdar ázirleý usynyldy.
Qazirgi ýaqytta 50 adamnyń qolyn jinaǵan petitsiia moderatsiiadan ótip jatyr.
